Ўзбекистонда Халқ банкининг номи ўзгартирилди
Тошкент. 23 июл. ЎзТАГ – Ўзбекистонда Халқ банкининг номи ўзгартирилди, деб хабар беради Ўзбек телеграф агентлиги (ЎзТАГ).
“Халқ банки акциядорларининг 2015 йил 29 июндаги йиллик умумий йигилишида Банк номини “Ўзбекистон Республикаси Давлат-тижорат Халқ банки”дан “Ўзбекистон Республикаси актсиядорлик тижорат Халқ банки”га ўзгартириш тўгрисида қарори қабул қилинди. Банк Уставига тегишли ўзгартиришлар Ўзбекистон Республикаси Марказий банкида 2015 йил 20 июлда 25-сон билан рўйхатга олинди”, - дейилади банк сайтида жойлаштирилган маълумотда.
Шунингдек, “банк номининг ўзгариши, Банк билан тузилган шартномаларнинг ҳамда мазкур шартномалардан келиб чиқадиган ҳуқуқ ва мажбуриятларнинг ўзгаришига асос бўла олмайди”, - деб тъкидланади.
Бундан ташқари, “Банк бош офиснинг юридик манзили ҳамда банк филиалларининг юридик манзиллари, уларнинг тўлов реквизитлари (банк номидан ташқари), электрон манзиллари ва телефон рақамлари ўзгаришсиз қолади”.
Банкнинг янги фирма номи: давлат тилида – “Ўзбекистон Республикаси акциядорлик тижорат Халқ банки”, қисқартирилган ҳолда – Халқ банки; лотин алифбосида номи: тўлиқ – “O’zbekiston Respublikasi aksiyadorlik tijorat Xalq banki”, қисқартирилган ҳолда – Xalq banki; рус тилида: тўлиқ – “Акционерный коммерческий Народный банк Республики Узбекистан”, қисқартирилган ҳолда – Народный банк; ингилиз тилида: тўлиқ – “Joint-stock commercial Xalq bank of the Republic of Uzbekistan”; қисқартирилган ҳолда –“JSC «Xalq bank” шаклида бўлади.
