Ўзбекистонда хорижий капитал иштирокидаги 5 банк ва йирик жаҳон банкларининг 6 идоралари фаолият юритмоқда
Тошкент. 14 октябр. ЎзТАГ – Ўзбекистонда хорижий капитал иштирокидаги 5 банк ва йирик жаҳон банкларининг 6 идоралари фаолият юритмоқда. Ушбу маълумотлари Марказий банк томонидан яқинда ўтказилган матбуот ажуманида келтирилди, деб хабар беради Ўзбек телеграф агентлиги (ЎзТАГ).
Хусусан, “KDB Bank Узбекистан” акционерлик жамиятининг ижрочи директори Янг Хью Ан “Ўзбекистонда инвестициялар жалб қилиш ва уларни ўзлаштириш ҳажмларининг оширилиши, инвестиция муҳити шаклланиши учун шароитлар яратишга етарлича эътибор берилмоқда”, - деб таъкидлади.
Марказий банк маълумотларига кўра, биринчи ярим йилда мамлакатда ўзлаштирилган инвестициялар умумий ҳажмининг $1,5 млрди ёки 21,3% хорижий инвестициялар ва кредитлар (11%ўсиш), шу жумладан, $1,2 млрдини тўғридан-тўғри хорижий инвестициялар ташкил қилди.
Республика бўйича биринчи ярим йилда Инвестиция дастури доирасида умумий қиймати $160,9 млнлик 63 та лойиҳа амалга оширилган. Кичик бизнесни ривожлантириш учун халқаро молия институтларининг $86,4 млнга тенг кредит линиялари ўзлаштирилди.
Республикамизда Инвестиция дастури доирасида 26 та тижорат банкининг фаолияти халқаро рейтинг агентликлари томонидан ижобий баҳоланди. Бугунги кунда 15га яқин йирик халқаро молия ташкилотлари мамлакатимиз тижорат банкларида ўз кредит линияларини очганлар.
