Ўзбекистонда хусусий корхоналар автомобилни техник текширувдан ўтказиш ҳуқуқини оладилар
Тошкент. 27 декабр. ЎзТАГ – 2018 йилнинг 1 январидан бошлаб хусусий компаниялар Ўзбекистонда жисмоний шахслар автомобилларининг техник ҳолатини текшириш ҳуқуқини оладилар, деб хабар беради Ўзбек телеграф агентлиги (ЎзТАГ).
Бу ҳукуматнинг “Транспорт воситаларини мажбурий техник кўрикдан ўтказиш тартибини такомиллаштириш бўйича қўшимча чора-тадбирлар тўғрисида”ги қарори билан кўзда тутилган.
Ҳужжатда айтилишича, 2018 йилнинг 1 январидан бошлаб Ўзбекистон Республикаси Ички ишлар вазирлигининг Йўл ҳаракати хавфсизлиги давлат хизмати бўлинмаларининг (ЙҲХДХ) енгил автоуловларни мажбурий техник кўрикдан ўтказиш қисмига оид функцияларини юридик шахсларга босқичма-босқич ўтказиш режалаштирилмоқда.
2019 йил 1 январдан бошлаб жисмоний шахсларнинг автотранспорт воситаларини мажбурий техник кўрикдан ўтказишни хўжалик юритувчи субъектлар – юридик шахслар амалга оширадилар.
Айни пайтда, ЙҲХДХ бўлинмалари юк, йўловчи ва махсус транспорт воситаларини техник кўрикдан ўтказиш вазифаларини ўзларида сақлаб қоладилар.
Сурат манбаи: http://ru.sputniknews-uz.com/
