Ўзбекистонда Конституциянинг 22 йиллиги муносабати билан амнистия эълон қилинди
Тошкент. 14 ноябр. ЎзТАГ – Ўзбекистон Сенати жума кунги пленар йғилиш доирасида Конституциянинг 22 йиллиги муносабати билан амнистия ҳақидаги қарорни қабул қилди, деб хабар қилади Қозоқ телеграф агентлигининг (КазТАГ)йиғилишда бўлган мухбири.
Қарорга мувофиқ, амнистия қилган жиноятлари жамият учун хавф туғдирмайдиган шахсларга нисбатан қўлланади.
Хусусан, гап жиноят содир қилгани учун биринчи марта судланган аёллар, жиноят содир этган вақтда 18 ёшга тўлмаган шахслар, 60 ёшга тўлган эркаклар ва чет эл мамлакатларининг фуқаролари ҳақида кетмоқда.
Шу билан бирга, амнистия ҳақидаги қарор қўлланмайдиган шахслар доираси ҳам аниқланган. Сенат қарорига кўра, бутун умрга қамалганлар, қасддан одам ўлдирган, ўта оғир жиноятларни қилганлар амнистияга тушмайди.
Амнистия ҳақидаги қарор қабул қилиш Ўзбекистон президенти қарорига биноан республикада иккипалатали тизимга ўтилган 2005 йилдан бери қўлланиб келинади. Илгари амнистия фақат давлат раҳбари томонидан қабул қилинар эди. Ўзбекистон Сенати амнистия ҳақидаги илк қарорни 2005 йилда – Конституция қабул қилинганлигининг 13 йиллигида қабул қилган эди.
2013 йилда амнистия 69,5 минг кишига қўлланган бўлиб, бундан 3237 киши озодликка чиққан, қолганларга эса жазо муддати қисқартирилган, баъзиларга нисбатан эса жиноий ишлар ёпилган эди.
