Ўзбекистонда Латвиялик ижодий жамоаларнинг 4 чиқишлари бўлиб ўтади
Тошкент. 10 март. ЎзТАГ – 2015 йилнинг биринчи ярмида Ўзбекистонда Латвиялик ижодий жамоаларнинг 4 чиқишлари бўлиб ўтади. Бу ҳақида яқинда Тошкентдаги Латвия элчихонасида бўлиб ўтган матбуот анжуманида маълум қилинди, дея хабар беради Ўзбек телеграф агентлиги (ЎзТАГ).
Латвиянинг Ўзбекистондаги элчиси Эдгарс Бондарснинг хабарига кўра, маданий дастур Латвиянинг Европа Иттифоқи кенгашидаги раислиги доирасида ташкил этилган.
A cappella “Latvian Voices” латвия вокал гуруҳининг биринчи концерти 11 мартда “Туркистон” саройида бўлиб ўтади. Ансамбл ижросида классик мусиқа, латиш халқ қўшиқлари, таниқли мусиқалар янграйди. Кириш барчага бепул.
Кейинги концерт 6 апрелда Давлат консерваториясида ўтказилиб, унда Лондон филармония оркестрининг етакчивиолончелисти Кристини Блаумане қатнашади.
Май бошида Давлат консерваториясида жаз мусиқаси концерти ўтказилиб, у “Xlem trio” гуруҳи ва яккахон хонанда Рихардс Зальупеларнинг чиқишларидан иборат бўлади.
“Тадбирлар якунида профессор Аина Калнциеманинг концертлари режалаштирилган. Аина клавесин мусиқа асбобининг таниқли ижрочисидир”, - деб қўшимча қилди Э.Бондарс.
Концертлардан ташқари, июн бошида таниқли латиш рассоми Ивета Веценаневнинг кўзгазмасини ўтказиш ҳам режалаштирилган.
