Ўзбекистонда ломбард очиш учун лицензияга аризасини электрон почта орқали бериш мумкин

Тошкент. 30 март. ЎзТАГ - Ўзбекистонда ломбард очиш учун лицензияга аризасини электрон почта орқали юбориш мумкин, дея хабар беради Ўзбек телеграф агентлиги (ЎзТАГ).

Norma.uzнинг хабар беришига кўра, бу имконият Ўзбекистон Марказий банки томонидан 2015 йил 14 мартда Ломбардлар фаолиятини лицензиялаш тўғрисидаги низомга ўзгартишлар киритилгандан кейин пайдо бўлган.

Хужжатга киритилган ўзгартишларга мувофиқ, лицензия олиш учун хужжатлар лицензия олувчи томонидан лицензия берувчи орган ёки унинг ҳудудий бўлимига нафақат олдингидай бевосита почта алоқаси орқали, балки электрон шаклда ҳам берилиши мумкин. Электрон шаклда топширилган хужжатлар электрон рақамли имзо (ЭРИ) билан тасдиқланади.

Хужжатдан ломбард лиензияси олиш пайтига келиб баҳолаш ташкилоти билан шартнома тузиш зарурлиги ҳақидаги меъёр чиқариб ташланди. Қолган талаблар ўзгармади. Улар орасида бино ва ускуналарни тайёрлаб қўйиш, қўриқлаш-ёнғинга қарши сигнализацияси билан таъминланганлик, техник мустаҳкамланган сақлаш жойларининг мавжудлиги ва ходимлар мавжуд бўлиши кабилар бор.

Лицензияни электрон шаклда ҳам янгилаш мумкин, бунда тақдим эьтилган хужжатлар ЭРИ билан тасдиқланиши мумкин, дейилади хабарда.