Ўзбекистонда мактабгача таълим учун жавоб берувчи янги вазирлик ташкил этилади
Тошкент. 23 август. ЎзТАГ – Ўзбекистон ҳукумати яқин орада мактабгача таълим вазирлигини ташкил этишни режалаштирмоқда. Бу ҳақида Халқ таълими вазири Улуғбек Иноятов Халқаро пресс-клуб йиғилишида айтиб ўтди, деб хабар беради чоршанба куни Ўзбек телеграф агентлиги (ЎзТАГ).
“Президент болалар мактабга болалар боқчаларидан мактаб таълимига тайёр ҳолда боришлари учун шундай вазифани қўйди. Шу муносабат билан келгусида бир неча шаклдаги, жумладан, нодавлат ва қисқа муддатли шаклдаги мактабгача таълим муассасалари тармоғини кенгайтирмоқчимиз. Мактабгача ёшдаги болаларни ўқитиш ва тарбиялаш, шунингдек, болаларни мактаб таълимига тайёрлаш усуллари ҳамда методологияси масалаларига ҳам жиддий ёндашиш зарур. Бу масалалар билан янги Халқ таълими вазирлиги шуғулланади”, - деди Иноятов пресс-клубнинг таълим масалаларига бағишланган йиғилишида.
Ўзбекистонда бугунда 4 млн атрофида болалар болалар боқчаларига қатнайди. Уларни мактабга тайёрлаш учун республикада 6 мингдан зиёд қисқа муддатли гуруҳлар ташкил этилиб, уларда 305 минг болани ўқитиш режалаштирилмоқда.
Бундан ташқари, яқин 5 йилда Ўзбекистонда 50 янги болалар боқчалари қуриш кўзда тутилган. Янги боқчалар лойиҳалари ёзги сўрилар, майдонча ва сув ҳавзаларни ҳам ўз ичига олади. Шунингдек ушбу даврда 1167 болалар боқчалари реконструкция қилинади, 983 капитал таъмир қилинади.
