Ўзбекистонда МДҲ мамлакатлари учун Ravon R4 автомобилини ишлаб чиқариш бошланди
Дата: 13:29, 23-11-2016.
Тошкент. 23 ноябр. ЎзТАГ – Ўзбекистонда Мустақил ҳамдўстлик мамлакатлари (МДҲ) учун Ravon R4 автомобилини ишлаб чиқариш конвейери ишлай бошлади, деб хабар беради Ўзбек телеграф агентлиги (ЎзТАГ) GM Uzbekistan ҚК матбуот хизматига асосланган ҳолда.
Машинани серия усулида ишлаб чиқариш андижоннинг Асака шаҳридаги автомобиль йиғиш заводида олиб борилмоқда.
Биринчи партия автомобиллар Россияга жўнатилгани, яқин орада бошқа бозорларга ҳам йўлланиш режалаштирилгани хабар қилинган.
Эслатиб ўтамизки, Ravon R4 модели (ўзбек бозорида Chevrolet Cobalt) ташқи томонидан янги дизайнга эга бўлиб, 1,5 л B-DOHC двигатели ва янги авлод автоматик трансмиссия билан жиҳозланган.
