Ўзбекистонда меҳнат қилаётган пенсионерларнинг баъзи тоифалари пенсияни тўлиқ ҳажмда оладилар

Тошкент. 4 январ. ЎзТАГ – Ўзбекистонда меҳнат қилаётган пенсионерларнинг баъзи тоифалари пенсияни тўлиқ ҳажмда оладилар, деб хабар беради Ўзбек телеграф агентлиги (ЎзТАГ).

Мамлакат президенти Шавкат Мирзиёевнинг қарорига мувофиқ, фахрий унвонга эга бўлган меҳнат қилаётган пенсионерлар эндиликда пенсияларини тўлиқ ҳолда оладилар. Қарор матни меъёрий-ҳуқуқий ҳужжатлар порталида чоп этилган.

Ҳужжатга мувофиқ, 2018 йил 1 январдан “Ҳалқ...”, “..хизмат кўрсатган арбоб”, “...хизмат кўрсатган” фахрий унвонларига эга меҳнат қилаётган пенсионерлар иш жойи ва меҳнат соҳасидан қатъи назар пенсияни тўлиқ оладилар.  

Шунингдек, меҳнат шартномаси асосида меҳнат қилиш асносида илм-фан, адабиёт ва санъат соҳаларида ижодий ишлари учун қалам ҳақи (гонорар) кўринишида даромад олувчи пенсионерлар ҳам худди шундай имтиёзга эга бўладилар.

Сурат манбаи: https://rusevik.ru/obschestvo/80338-v-uzbekistane-izmenilsya-poryadok-naznacheniya-i-vyplaty-gosudarstvennyh-pensiy.html