Ўзбекистонда меъёрий-ҳуқуқий хужжатлари жорий қилиш муддатлари ўзгартирилди
Тошкент. 26 декабр. ЎзТАГ – Ўзбекистонда баъзи меъёрий-ҳуқуқий хужжатларнинг кучга кириш муддатлари узайтирилди, дея хабар беради Ўзбек телеграф агентлиги (ЎзТАГ).
Давлат солиқ қўмитасидан хабар беришларича, эндиликда янги солиқлар, мажбурий тўловларга оид, шунингдек, имтиёзларни тўлиқ ёки қисман бекор қилувчи, солиққа тортиш базасини кўпайтирувчи қонунчилик хужжатлари расман эълон қилинганидан кейин 3 ойдан кейин кучга киради.
Шунингдек, солиқ ставкалари ва мажбурий тўловларни ўзгартирувчи қонунчилик хужжатлари улар расман эълон қилинган ойдан кейинги ойнинг биринчи кунидан бошлаб кучга киради.
Олдин расман эълон қилинганидан кейин 10 кун ичида кучга кирадиган бошқа хужжатларга доир 10 кунлик муддат эса ўзгаришларга мувофиқ бекор қилинди.
2015 йилнинг 1 январидан бошлаб олдин расман эълон қилинганидан кейин 10 кун ичида кучга кирадиган бошқа хужжатлар улар расман чоп қилинган кундан бошлаб кучга киради (агар хужжатда бошқа муддат кўрсатилмаган бўлса).
Хужжатлар “Ўзбекистон Республикаси Олий Мажлиси палаталари хабарномаси”, “Ўзбекистон Республикаси Қонунчилик хужжатлари тўплами”, “Халқ сўзи” ва “Народное слово” газеталари, шунингдек, вазирлик ва давлат қўмиталари, жойлардаги давлат ҳокимияти органларининг расмий нашрларида чоп қилинади.
