Ўзбекистонда мобил алоқа операторларининг даромаддан солиқ тўлаш тартибига ўзгартишлар киритилди

Тошкент. 4 январ. ЎзТАГ – Ўзбекистонда мобил алоқа операторларининг даромаддан солиқ тўлаш тартибига ўзгартишлар киритилди, деб хабар беради Ўзбек телеграф агентлиги (ЎзТАГ) Давлат солиқ қўмитаси ахборот хизматига асосланган ҳолда.

Ушбу ўзгартишлар Ўзбекистон Президентининг “Ўзбекистон Республикасининг 2016 йилги асосий макроиқтисодий кўрсаткичлари прогнози ва Давлат бюджети параметрлари тўгърисида”ги 2015 йил 22 декабрдаги қарорига мувофиқ амалга оширилди.

Хусусан, 2016 йилдан бошлаб мобил алоқа хизматларини кўрсатувчи юридик шахслар (уяли алоқа компаниялари) фойда солиғини рентабеллик даражасидан келиб чиқиб тўлайдилар.

Агар рентабеллик даражаси 20% бўлганда 7,5% ставкада, рентабеллик даражаси 20% юқори бўлганда фойда суммасига 50% ставкада солиқ тўланади.