Ўзбекистонда молиявий пирамидадан жабрланганларга 100 зиёд автомобиллар қайтарилди

Тошкент. 1 феврал. ЎзТАГ – Ўзбекистонда Аҳмаджон Турсунбоевнинг молиявий пирамидасидан жабрланганларга 100 зиёд автомобиллар қайтарилди, деб хабар беради Ўзбек телеграф агентлиги (ЎзТАГ) “Ўзбекистон-24” телеканалининг “Ахборот” дастурининг тунги эфирига таянган ҳолда.

 Дастурда келтирилган маълумотларга кўра, фуқаролар тарафидан “Аҳмадбой”га кўнгилли равишда берилган турли маркадаги 105 автомобиллар қонуний эгаларига қайтарилган. Миллий хавфсизлик хизмати ходимлари кишиларнинг сотувдан фойда олишни кўзлагани, лекин ваъда қилинган пулларни кўрмаганини аниқлади.

Эслатиб ўтамизки, молиявий пирамида асосчиси Аҳмаджон Турсунбоев 2016 йил июлда қўлга олинган эди. Унинг ноқонуний фаолиятидан ўн минглаб кишилар жабр кўрган. Унга ва унинг беш шеригига нисбатан Жиноят кодексининг 168 (фирибгарлик) ва 243 (жиноий фаолиятдан олинган даромадларни легаллаштириш) моддалари бўйича жиноий иш очилган эди. Тергов жараёнида Турсунбоев ва унинг қариндошларига тегишли уйлардан 13,139 млрд сўм ва $7,9 млн ашёвий далил сифатида олиб қўйилди.

Тергов ҳамон давом этмоқда.

Сурат манбаи: https://dik103y8nzf0u.cloudfront.net/trial