Ўзбекистонда МСКда имзо варақаларини текшириш кетмоқда

Тошкент. 9 октябр. ЎзТАГ – Ўзбекистонда Марказий сайлов комиссисида (МСК) имзо варақаларини текшириш кетмоқда, дея хабар беради Ўзбек телеграф агентлиги (ЎзТАГ).

МСК матбуот хизмати маълумотларига кўра, бугунда имзо варақалари тўғри тўлдирилганлигини текшириш бўйича ишчи гуруҳи ўз ишини давом эттирмоқда. Унинг таркибида Марказий сайлов комиссияси аъзолари, жамоат ташкилотлари вакиллари, ички ишлар, адлия органларининг, шунингдек аҳолини ҳисобга олиш билан шуғулланувчи муассасаларнинг мутахассислари бор. Имзо варақаларини текшириш жараёнида ҳар бир сиёсий партиянинг ваколатли вакили ҳам иштирок этмоқда.

“Текшириш учун имзо варақалари танлаш йўли билан ажратиб олинмоқда”, - деб қайд этди ишчи гуруҳи аъзоси, Ўзбекистон Республикаси Ички ишлар вазирлиги Эксперт криминалистик маркази ходими Элдор Кабилов.

Шунингдек, у сайловчилар имзолари ва сайлов варақаларига имзо қўйган сайловчилар тўғрисидаги тегишли маълумотлар зарур миқдорининг камида 15 фоизи текширувдан ўтказилиши, ишчи гуруҳи ўз фаолиятини тугатганидан сўнг Марказий сайлов комиссиясига ўз хулосасини беришини маълум қилди.

Амалдаги қонунчиликка биноан Ўзбекистон Республикаси Марказий сайлов комиссиясига тегишли ҳужжатлар ва сайловчиларнинг сиёсий партияни сайловлардаги иштирокини қўллаб-қувватловчи камида 40 мингта имзоси бўлган имзо варақаларини тақдим қилди.

Марказий сайлов комиссияси тақдим қилинган ҳужжатлар асосида беш кунлик муддат ичида сиёсий партиянинг сайловда қатнашишига ижозат бериш тўғрисида узил-кесил қарор қабул қилади.

Илгари ЎзТАГ мамлакатдаги барча сиёсий партиялар: Ўзбекистон Либерал-демократик партияси, Ўзбекистон “Миллий тикланиш” демократик партияси, Ўзбекистон Халқ демократик партияси, Ўзбекистон “Адолат” социал-демократик партияси парламент сайловларида қатнашиш учун хужжат топширганлигини хақида маълум қилган эди.

Эслатиб ўтамизки, Ўзбекистонда 2005 йилдан бери иккипалатали парламент амал қилиб келади. Қонунчилик палатасида доимий асосда 150 депутат фаолият юритади. Ҳозирги парламентдаги жойларнинг кўпчилиги “ЎзЛиДеп” (33 депутат) ва Миллий тикланиш (26 депутат) партияларига тегишли. Юқори палата – Сенатда 100 депутат ишлайди. Улар Қорақлпоғистон Республикаси, вилоятлар ва Тошкент шаҳридан 6 кишидан сайланади. Яна 16 Сенат аъзоси мамлакат раҳбари томонидан Ўзбекистоннинг энг обрўли кишилари томонидан тўғридан-тўғри тайинланади.