Ўзбекистонда нақд хорижий валютани олиб кириш ва олиб чиқишнинг янги қоидалари тасдиқланди

Тошкент. 5 феврал. ЎзТАГ – Ўзбекистонда нақд хорижий валютани олиб кириш ва олиб чиқишнинг янги қоидалари тасдиқланди, деб хабар беради Ўзбек телеграф агентлиги (ЎзТАГ).

Бу қоидалар Вазирлар Маҳкамасининг “Жисмоний шахслар томонидан нақд хорижий валютани Ўзбекистон Республикасининг божхона чегараси орқали олиб кириш ва олиб чиқиб кетиш қоидаларини тасдиқлаш тўғрисида”ги қарори билан тасдиқланган.

Қарор Миллий қонунчилик базасида чоп этилган.

Хусусан, $2 мингдан ортиқча миқдордаги нақд хорижий валюта декларация қилиниши ва божхона органи ходимига тақдим этилиши кўзда тутилмоқда. Шу билан бирга, мамлакатга $5 минг атрофида валютани декларациялаш қоидаларига риоя этган ҳолда олиб кириш мумкин.

Агар валюта миқдори $5 мингдан кўп бўлса, резидентларга Ўзбекистон Республикаси Марказий банкининг рухсатномаси талаб этилади ва унда олиб чиқиб кетиладиган нақд хорижий валютанинг жами суммаси кўрсатилади. Нерезидентларга эса бунинг учун Ўзбекистонга киришда тўлдирилган йўловчи божхона декларацияси талаб қилинади. Шу билан бирга, улар олиб кирганидан кўп бўлмаган миқдордаги валюта олиб чиқиб кетишлари мумкин.

Нақд хорижий валютани олиб чиқиб кетишга доир юқорида кўрсатилган рухсат берувчи ҳужжатлар фақат бир марта ишлатилади.

Сурат манбаи: https://politikus.ru/v-rossii/58278-predlagayu-putinu-nachat-pechatat-nastoyaschie-dollary-ssha.html