Ўзбекистонда нефтмаҳсулотлари сотишга лицензия олиш тартиби соддалаштирилди

Тошкент. 10 декабр. ЎзТАГ – Ўзбекистонда нефтмаҳсулотлари сотишга лицензия олиш тартиби ўзгартирилди, эндиликда бунинг учун хужжатларни электрон шаклда топшириш мумкин, деб хабар беради Ўзбек телеграф агентлиги (ЎзТАГ).

“Ўзбекнефтегаз” МХК хабар беришларича, бу масала юзасидан Ўзбекистон Республикаси Вазирлар Маҳкамасининг 2015 йил 30 ноябрдаги 349-сонли “Нефть маҳсулотларини сотиш бўйича фаолиятни лицензиялаш тўғрисидаги низомларни тасдиқлаш тўғрисида” 2003 йил 28 июндаги 289-сон қарорига ўзгартиришлар киритиш ҳақида” қарори чиқарилди.

Ўзгартишлар нафть маҳсулотларини улгуржи сотиш билан шуғулланувчи корхоналар (автоёқилғи станциялари ва мой алмаштириш пунктларидан ташқари) учун қулай шароитлар яратиш мақсадида киритилган. Эндиликда “Ўзгоснефтегазинспекция” лицензия учун хужжатларни қабул қилади, уни беради, лицензия битими тузади ва бажарилишини назорат қилади.

Олдин ушбу вазифаларни Вазирлар Маҳкамасининг Ахборот-таҳлилий департаментининг геология, ёқилғи-энергетика комплекси, кимё, нефтекимё ва металлургия саноати бўйича бўлимига юкланган эди.

Лицензия олиш учун “Саноатгеоконтехназорат” Давлат инспекцияси бўлимининнг хулосасига талаблар ҳам ўзгартирилган. Эндиликда хужжатда нефт омбор хўжалигининг саноат хавфсизлиги бўйича талабларига жавоб бериши ҳақидаги хулосаси ҳам акс этиши зарур.

Шунингдек, “Ўзгоснефтегазинспекция” комиссиясига хужжатларни кўриб чиқишга берилган муддат 15 кундан 10 кунга қисқартирилди.