Ўзбекистонда ноқулай меҳнат шароитлари учун устама ҳақлар миқдори аниқланди
Тошкент. 11 сентябрь. ЎзТАГ - Ўзбекистонда ноқулай меҳнат шароитлари учун устама ҳақлар миқдорлари белгиланди, деб хабар беради Ўзбек телеграф агентлиги (ЎзТАГ).
Адлия вазирлиги маълумотларига кўра, ҳукумат қарори (№743, 06.09.2019 й.) томонидан туман меҳнатга ҳақ тўлаш коэффициентларини белгилаш ва қўллаш тартиби, шунингдек, оғир ва ноқулай табиий-иқлим ва маиший шароитларга эга бўлган жойларда иш билан банд бўлган ходимларга йиллик қўшимча таътилнинг энг кам давомийлиги тўғрисидаги Низом тасдиқланди.
"Оғир ва ноқулай табиий-иқлим шароитига эга бўлган жойлар рўйхатига киритилган жойларда иш олиб борадиган барча ходимларга ойлик нафақа ва йиллик қўшимча таътиллар берилади. Шу билан бирга, устама миқдори маълум бир ҳудуд учун белгиланган тегишли коэффициентни иш ҳақи миқдори бўйича кўпайтириш йўли билан аниқланади", – дейилади хабарда.
Қайд этилганидек, ходим маълум бир ҳудудда яшаш ёки яшамаслигидан қатъи нафақалар тўланади.
Рўйхатга киритилган ҳудудга сафар қилишда ходимга бир ойдан ортиқ муддат давомида ушбу ҳудудда бўлган вақтида ушбу ҳудуд учун назарда тутилган миқдорда устама тўланади.
Устама, таъкидланадики, меҳнат қонунчилигида назарда тутилган иш сафарларида харажатларни қоплаш тўловидан қатъи назар тўланади.
Сурат манбаи: bigasia.ru
