Ўзбекистонда ногиронлиги бўлган шахсларга бизнес қилишда ёрдам берилади

Тошкент. 5 апрел. ЎзТАГ – Ўзбекистонда бизнес қилиш истагини билдирган ногиронлиги бўлган шахслар қўллаб қувватланади, деб хабар беради Ўзбек телеграф агентлиги (ЎзТАГ).

Бу Ўзбекистон Республикаси Вазирлар Маҳкамасининг “2018-2019 йилларда ногиронлиги бўлган шахсларнинг бандлигига кўмаклашиш бўйича давлат дастурини тасдиқлаш тўғрисида”ги 274-қарори билан кўзда тутилган. Ҳужжат президентнинг Ўзбекистон Республикаси 2017 йил 1 декабрдаги 5270-сони “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги қарорни бажариш мақсадида қабул қилинган.

Хусусан, бундай ёрдамни ногиронлиги бўлган шахсларга ер участкалари ажратиш, ишлаб чиқариш инфраструктурасига улаш, тижорат банклари кредитларни ажратиш йўли билан кўрсатиш кўзда тутилмоқда.

Бундан ташқари, ногиронлиги бўлган шахсларга ёки ходимлари сони ишчилар умумий сонидан камида учдан иккисини ногиронлиги бўлган шахслар ташкил қилган якка тадбиркорларга давлат мулки объектларини белгиланган энг кам ижара тўловининг 50% миқдорида ставкада бериш режалаштирилмоқда.

Ўзбекистон Давлат рақобат қўмитаси маълумотига кўра, ногиронлиги бўлган шахсларни зарур касблар ва уқувларга ўқитиш учун қисқа муддатли курслар ташкил этиш ҳам кўзда тутилмоқда.

Сурат манбаи: http://www.fergananews.com/news/27824