Ўзбекистонда нотариал расмийлаштириш учун олинадиган давлат божларининг миқдорлари кескин пасайтирилди

Тошкент. 19 феврал. ЎзТАГ – Ўзбекистонда нотариал расмийлаштириш учун олинадиган давлат божларининг миқдорлари кескин пасайтирилди, деб хабар беради Ўзбек телеграф агентлиги (ЎзТАГ) Адлия вазирлигининг Telegramдаги каналига асосланган ҳолда.

Хусусан, агар 2018 йил 1 мартга қадар уч йилгача бўлган Matiz автомобилини олди-сотди шартномасини тасдиқлаганлик учун давлат божи миқдори 843976 сўмни ташкил этган бўлса, 2018 йил 1 мартдан кейин – 688960 сўмга тенг бўлади. Худди шу бож миқдори Nexia ва Gentra (1825744 сўм ва 1033440 сўм), Malibu (2910856 сўм ва 1722400 сўм) ва Captiva учун (4443792 сўм ва 1722400 сўм) ҳам янгидан белгиланди.

Шунингдек, заём шартномаларини тасдиқлаганлик учун давлат божи миқдори ҳам пасайтирилди. Агар заём суммаси 10 млн. сўмни ташкил қилса, 2018 йил 1 мартга қадар бож миқдори 100 минг сўмга тенг бўлган, 2018 йил 1 мартдан кейин эса у 43060 сўм, 50 млн. сўм (500 минг сўм ва 86120 сўм) ва 100 млн сўм (1 млн. сўм ва 172240 сўм) бўлади.

Сурат манбаи: http://kommersant.uz/news/onlajn-registratsiya-biznesa