Ўзбекистонда Новосибирск шаҳридаги бош консул тайинланди

Тошкент. 3 октябр. ЎзТАГ – Ўзбекистонда Новосибирск шаҳридаги (Россия) бош консул тайинланди, деб хабар беради Ўзбек телеграф агентлиги (ЎзТАГ).

“Илгари Ташқи ишлар вазирлигининг Маданий-гуманитар ҳамкорлик бўлими бошлиғи лавозимида ишлаган Юсуп Кабулжанов Россиянинг Новосибирск шаҳридаги Ўзбекистон Республикаси Бош консули этиб юборилди”, – дейилади ТИВ матбуот хизматининг хабарида.

Бундан олдин ушбу лавозимни Абдураҳмон Муҳамедов эгаллаб келган эди.

Эслатиб ўтамиз, август охирида Ўзбекистон ТИВ Жаҳонгир Иргашевни Санкт-Петербургдаги бош консул (мартда очилган – ЎзТАГ) лавозимига тайинлаган эди. Шунингдек, жорий йилда Ўзбекистон Екатеринбург, Ростов-Дон, Қозон ва Владивосток шаҳарларида ҳам консуллик очади. Россияда 1 млн атрофида ўзбек фуқаролари истиқомат қилади, барча меҳнат патентларининг тахминан 50% уларга расмийлаштирган.

2016 йил майда Ю. Кабулжанов ТИВнинг Маданий-гуманитар ҳамкорлик бўлими бошлиғи этиб тайинланган эди. Бундан олдин у “Жаҳон” АА директори ўринбосари бўлиб ишлаб келган.

Сурат манбаи: из http://ovisah.ru