Ўзбекистонда оғир жиноятларни содир этган маҳбуслар сайловда иштирок этишлари мумкин
Тошкент. 26 август. ЎзТАГ - Ўзбекистонда оғир жиноятларни содир этган маҳбуслар сайловда иштирок этишлари мумкин, деб хабар беради Ўзбек телеграф агентлиги (ЎзТАГ).
Олий Мажлис Сенатининг 21-ялпи мажлисида сенаторлар "Сайлов тўғрисидаги қонун ҳужжатлари такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонунни кўриб чиқдилар ва маъқулладилар.
Қайд этилганидек, сайлов жараёнининг очиқлиги ва транспарентлигини таъминлаш учун 20 дан ортиқ қонунга ўзгартиш ва қўшимчалар киритилди.
Сайловда иштирок этиш учун жиддий ва ўта оғир жиноятлар содир этилганлиги учун суд ҳукми билан озодликдан маҳрум қилиш жойларида бўлган шахсларга ҳуқуқ бериш учун ўзгартиришлар киритилди. Сайлов кодекси қабул қилингандан сўнг "Ўзбекистон Республикаси Марказий сайлов комиссияси тўғрисида"ги қонун ўз кучини йўқотади.
Қонун ишлаб чиқилишида 20 дан ортиқ давлат – Франция, Италия, Канада, Озарбайжон ва бошқа давлатларнинг тажрибаси ўрганилгани қайд этилади.
Сайлов жараёнининг очиқлиги, адолатлилиги, транспарентлиги ва бошқа демократик тамойилларини таъминлашда ҳуқуқий ҳужжатларга ўзгартиш ва қўшимчалар киритиш муҳим аҳамиятга эга.
Сурат манбаи: zakon.kz
