Ўзбекистонда “оилавий овоз бериш” билан курашиш режалаштирилмоқда
Тошкент. 28 ноябр. ЎзТАГ – Ҳозирги пайтда Ўзбекистонда Президенти сайловларида “оилавий овоз бериш”нинг олдини олиш бўйича қатор чораларни амалга ошириш режалаштирилмоқда, деб хабар беради Ўзбек телеграф агентлиги (ЎзТАГ).
Ушбу мақсадда телевидение ва радиода роликлар узатиш йўлга қўйилган. Йирик жамоат ташкилотлари томонидан Ўзбекистон ННТ Миллий уюшмаси шефелигида “Менинг овозим – менинг Ватаним келажаги”, “Мен сайловда шахсан қатнашаман”, “Оиламизда ҳар бир киши ўз овозига эга” ва бошқа тадбирлар ўтказилмоқда.
“Оилавий овоз бериш” амалиётини қораловчи плакатлар 100 минг нусхада чоп этилиб, тарқатилди. Ушбу ҳолат билан эса ҳуқуқий маданиятни ўстириш орқали курашиш мумкин. Мазкур жиҳатдан жорий йил 7 сентябрда сайловчилар ҳуқуқий маданиятини ўстириш бўйича тасдиқланган чоралар жуда муҳимдир”, - деб таъкидлашди МСКда.
Эслатиб ўтамизки, 2016 йил 14 октябрда омбудсман фуқароларнинг сайловда қатнашиш бўйича тўғридан тўғри линияни ишга туширган эди. 15 ноябр ҳолатига келиб унга 304 мурожаат келиб тушди. Ҳозирча 18 киши ишончли овоз бериш, яъни ўз паспортини оила аъзосига беришга ишониб топшириш имконияти билан қизиққан.
