Ўзбекистонда олимларни моддий рағбатлантириш чоралари жорий этилди
![](/upload/resize_cache/iblock/c72/554_300_2/c72be735ba9934db696be4807c4d175e.jpg)
Тошкент. 17 июл. ЎзТАГ – Ўзбекистонда олимларни моддий рағбатлантириш чоралари жорий этилди, деб хабар беради Ўзбек телеграф агентлиги (ЎзТАГ).
“Ўзбекистон Республикаси Инновацион ривожланиш вазирлиги, Олий ва ўрта махсус таълим вазирлиги, Фанлар академиясининг 2018 йил 1 октябрдан бошлаб патентланган интеллектуал мулк объектлари муаллифларига муассасанинг бюджетдан ташқари маблағлари ҳисобидан энг кам иш ҳақининг ўн баравари миқдорида қўшимча бир марталик мукофотлар жорий этиш тўғрисидаги таклифига розилик берилсин”, - дейилади Ўзбекистон Республикаси Президентининг “Илмий ва илмий-техникавий фаолият натижаларини тижоратлаштириш самарадорлигини ошириш бўйича қўшимча чора-тадбирлар тўғрисида”ги қарори матнида.
Шунингдек, муаллифлар ҳамда илмий ва илмий-техникавий фаолият натижаларини ишлаб чиқиш ва тижоратлаштиришда иштирок этган илмий жамоага уларни тижоратлаштиришдан муассаса ҳисобига келиб тушаётган маблағларнинг тегишли равишда 40% ва 30% миқдорида миқдорида қўшимча бир марталик мукофотлар берилади.
Сурат манбаи: https://www.ozodlik.org/a/28791110.html