Ўзбекистонда олий ҳарбий ўқув юртларига қабул тартиблари тасдиқланди
Тошкент. 13 март. ЎзТАГ – Мудофаа вазирининг буйруғи билан Ўзбекистон Мудофаа вазирлигининг олий ҳарбий ўқув юртларига (ОҲЎЮ) қабул тартиблари тасдиқланди, дея хабар беради Ўзбек телеграф агентлиги (ЎзТАГ) Norma.uz сайтидаги маълумотга асосланган ҳолда.
ОҲЎЮ қабул ички ишлар вазирининг ОҲЎЮга қабул учун ўринлар ажратиш тўғрисидаги буйруғи асосида режага мувофиқ амалга оширилади ва Ўзбекистон Республикаси президенти томонидан тасдиқланади.
ОҲЎЮ кирмоқчи бўлган номзодлар Ўзбекистон Республикаси фуқаролари томонидан ҳарбий хизматни ўташ тўғрисидаги низомда белгиланган талабларга жавоб бериши зарур.
Ҳарбий хизматчиларни ОҲЎЮ ва сержантлар тайёрлаш мактабларида ўқитишга сарфланган бюджет маблағларини давлатга қоплаб беришга доир низомга мувофиқ номзодлар ва уларнинг ота-оналари ўқиш тугаллангандан кейин хизматдан бўшаб кетганлари, шартномани муддатидан олдин бекор қилганлари ёки жиноят содир этганлик учун озодликдан маҳрум этилгани ҳолларда моддий жавобгарликдан огоҳлантириладилар.
ОҲЎЮга кириш аризалари 1 февралдан 1 апрелга қадар қабул қилинади. Ўқишга киришни истаган фуқаролар яшаш жойи бўйича мудофаа бўлимларига ариза билан мурожаат қиладилар. Ҳарбий хизматчилар орасидан чиққан номзодлар хизмат жойидан ариза топширдилар.
