Ўзбекистонда онлайн-кредитлаш тизими ишлаб чиқилди

Тошкент. 31 август. ЎзТАГ – Ўзбекистонлик ихтирочи Музаффар Холмуродов онлайн кредитлаш системасини яратди, деб хабар беради Ўзбек телеграф агентлиги (ЎзТАГ).

“Онлайн кредитлаш системаси банк, кредит-молия ахборот системаларида қўлланилади. Мазкур фойдали модел юқори ишончлиликда ишлайдиган ва функционал имкониятлари кенг бўлган бир лаҳзада онлайн-кредитлаш системасини ишлаб чиқиш учун мўлжалланган”, - дейилади Ўзбекистон Республикаси Интеллектуал мулк агентлиги сайтидаги маълумотда.

Хабарда тушунтирилишича, онлайн кредитлаш системасида қарз олувчиларнинг чекка қурилмалари марказий бошқарув модули билан ҳимояланган телекоммуникация алоқа модули орқали уланган. Қарз олувчининг чекка қурилмаси сифатида ё шахсий компютер, ё смартфон, ё планшетли компютер, ё мобил телефон, ёки автоматлаштирилган терминал қўлланилган.