Ўзбекистонда пенсионерлар учун биринчи мобиль алоқа тарифи чиқарилди
Дата: 11:34, 02-03-2015.
Тошкент. 2 март. ЎзТАГ – “Ўзбектелеком” Миллий телекоммуникация оператори мамлакатда биринчи бўлиб пенсионерларга мўлжалланган ижтимоий аҳамиятли мобиль алоқа тарифини чиқарди, дея хабар беради Ўзбек телеграф агентлиги (ЎзТАГ).
“Нуроний” тарифига фақат 2015 йилнинг 31 декабрига қадар пенсия гувоҳномаси ва паспортни кўрсатган ҳолда уланиш мумкин. Бир абонент фақат бир рақамни улаши мумкин. Хизматлар баҳоси ҳозир амалдаги тарифларга қараганда анча паст бўлиб, абонент тўлови кунига $0,015, мамлакат бўйлаб чиқувчи қўнғироқлар $0,015, тармоқ ичида берилган дақиқалар 180 минутга тенг”, – деб таъкидлашди “Ўзбектелеком” АК матбуот хизматида.
