Ўзбекистонда пенсионерлар учун кредитлар ишлаб чиқилмоқда

Тошкент. 31 январ. ЎзТАГ – “Туронбанк” акциядорлик тижорат банки пенсионерлар учун “Овердрафт” янги кредитини таклиф қилмоқда. Кредит пенсия 100% пластик картага ўтказилган пайтида берилади, деб хабар беради Ўзбек телеграф агентлиги (ЎзТАГ).

Кредитининг қулайлик томони шундан иборатки, банк пластик карта эгалари ўз ойлик маоши ёки пенсияларидан ташқари маблағга зарурат туғилганда, ушбу хизматдан фойдаланган ҳолда ўз эҳтиёжларини қондиришлари мумкин.

Кредит очиқ линия кўринишида ажратилиб, мижоз кредитнинг фақат фойдаланган қисми учун фоиз тўлайди.

Кредитдан фойдаланиш муддати 12 ой бўлиб фоиз ставкаси йиллик 14% миқдорида белгиланган.

Банк томонидан пенсионерларга “Узоқ умр” кредит хизмати пенсионер-ларнинг 5 ойлик нафақа тўловлари миқдорида 1 йил муддатга берилади. Шунингдек, “Мадад” кредит хизмати бўйича қарз олувчига бир ойлик пенсия миқдорининг 50%игача миқдорда кредит берилади. Ушбу крудитларни олиш учун паспорт нусхаси ва СТИР гувоҳномаси нусхасини (ИНН) тақдим этиш зарур.