Ўзбекистонда плагиатга қарши миллий портал жорий этилади
Тошкент. 17 декабрь. ЎзТАГ – Ўзбекистонда плагиатга қарши миллий портал жорий этилади, деб хабар беради Ўзбек телеграф агентлиги (ЎзТАГ).
"12 декабр куни "Plagiat.pl" компания вакиллари билан учрашув бўлиб ўтди. Тадбирда Инновацион ривожланиш вазирининг биринчи ўринбосари вазифасини бажарувчи Шароф Ражаббоев, шунингдек, республиканинг илмий салоҳиятини оширишга қизиққан мамлакатнинг таълим, илмий-тадқиқот муассасаларининг 60 дан ортиқ вакиллари иштирок этди", - дейилади Инновацион ривожланиш вазирлиги матбуот хизмати хабарида.
Таъкидланганидек, томонлар плагиатга қарши тизимларни жорий этиш, Ўзбекистонда ягона маълумотлар базасини яратиш масаласини муҳокама қилдилар.
Учрашув якунларига кўра, республикада нашр этиладиган илмий журналларнинг матнларини ўз ичига олган веб-портал яратиш мақсадга мувофиқ, илмий журналларнинг натижалари ва самарадорлигини баҳолаш учун тезислар, мақолалар, диссертацияларнинг ягона базасини ташкил этиш ва ўтказиш мақсадга мувофиқ эканлиги қайд этилди. Бу мамлакатнинг илмий салоҳиятини ошириш, илм-фан ва таълим соҳасидаги плагиатга қарши курашишнинг ҳуқуқий асосларини яратиш, академик ва олий таълим тизимида плагиатга қарши курашга хизмат қилади.
"Дунёда илмий нашрлар базаларига қўйиладиган талаблардан келиб чиққан ҳолда, илмий нашрларнинг ўзига хослиги, ишончлилиги ва илмий мақолаларга ҳаволалар кўрсаткичини акс эттирувчи "Ягона миллий иқтибос индекси"ни шакллантиришни белгиловчи "Плагиатга қарши тизим"ни жорий этиш тўғрисида келишувга эришилди. Бу эса, ўз навбатида, Хирш ва РИНЦ индекслари бўйича илмий ходимлар ва олимларнинг сўзларини ошириш, мамлакатнинг илм-фаннинг турли соҳаларида обрў-эътиборини оширишга хизмат қилади", - деб хулосаланади хабар.
Сурат манбаи: kuaibao.qq.com
