Ўзбекистонда почта хизматларининг янги сайти очилди
Дата: 16:54, 07-06-2016.
Тошкент. 7 июн. ЎзТАГ – “Ўзбекистон почтаси” акционерлик компаниясининг “Халкаро тезкор почта” бўлими филиали бўлган Express Mail Service ширкати ўзининг www.emspost.uz сайтини ишга туширди деб хабар беради Ўзбек телеграф агентлиги (ЎзТАГ).
“Ўзбекистон почтаси” акционерлик компаниясидан хабар беришларича, сайтда хизмат ва тарифлар, божхона расмийлаштируви, етказиб бериш муддатлари, жўнатмаларни қабул қилиш қоидалари ва ҳ.к. ҳақида маълумотларни билиб олиш мумкин.
Бундан ташқари, сайт орқали курьерни чақириш мумкин. Шунингдек, сайт Express Mail Service халқаро жўнатмаларининг ҳаракатини кузатишга имкон беради. Саволлар туғилган тақдирда уларни e-mail орқали бериш мумкин.
