Ўзбекистонда почта йўлланмаси маршрутини интернет орқали кузатиш мумкин бўлади
Дата: 19:22, 14-07-2014.
Тошкент. 14 июл. ЎзТАГ – Ўзбекистонда почта йўлланмаси маршрутини интернет орқали кузатиш мумкин бўлади, дея хабар беради Ўзбек телеграф агентлиги (ЎзТАГ) Ахборот технологиялари порталига асосланган ҳолда.
Ушбу хизматдан “Ўзбекистон почтаси” сайти орқали фойдаланиш мумкин. Бу ерда Ўзбекистонга кириб келаётган штрих-кодли ҳалқаро жўнатмаларни кузатишнинг автоматлашган тизими жорий этилди.
Ахборот технологиялари портали маълумотларига кўра, бугунда почта алоқасининг 385 объектида юқоридаги тизимга 418 иш ўрни уланган.
Жаҳон почта иттифоқининг PNG тизими орқали дунёнинг 17 мамлакати билан алоқа мавжуд (шу жумладан, Германия, Бельгия, Эрон, Россия, АҚШ ва бошқ).
