Ўзбекистонда провайдерлар учун тарифлар яна пасайтирилди
Тошкент. 2 сентябр. ЎзТАГ – “Ўзбектелеком” Акционерлик компанияси 2014 йилнинг 29 августидан бошлаб Ўзбекистон Интернет-провайдерлари учун интернет-хизматлар (ташқи канал) тарифларининг 1 Мбит секундига $299,22га қадар пасайтирилганлигини маълум қилди, дея хабар қилади Ўзбек телеграф агентлиги (ЎзТАГ).
Компаниядан хабар беришларича, жорий йилнинг ўзида тарифлар учинчи бор пасайтирилмоқда. Жорий йилнинг 11 июнидан 1 Мбит секунд интернет баҳоси $306,04 турган бўлса, 11 июлдан бошлаб унинг нархи $303,51гача пасайтирилди, 29 августдан бошлаб эса $299,22 қилиб белгиланди.
Эслатиб ўтамизки, 2013 йилда провайдерлар учун Интренет канал баҳоси беш марта камайтирилган эди. Агар ўтган йилнинг декабрида 1 Мбит секунд интернет баҳоси $409 турган бўлса, декабрга келиб у $322 қадар тушган.
