Ўзбекистонда сўмнинг график белгилари жорий этиш таклиф этилди

Тошкент. 2 апрель. ЎзТАГ – Ўзбекистонда сўмнинг график белгилари жорий этиш таклиф этилди, дея хабар беради Ўзбек телеграф агентлиги (ЎзТАГ).

"Менинг Фикрим" порталида Ўзбекистон миллий валютаси – сўмнинг график кўринишини жорий этиш петицияси таклиф қилинди.

"Ўтказилган ислоҳотлар натижасида мамлакатда ҳозирги вақтда миллий валюта билан интернет сайтларида ва турли онлайн дўконларда электрон тўловлар амалга оширилмоқда. Бу ҳолда сўм транзакцияларда UZS шаклида кўрсатилади. Шунингдек, супермаркетларда ва бошқа савдо нуқталарида ҳам сўм тўлиқ ёзилади. Шунинг учун ҳам бошқа мамлакатлар қатори бизда ҳам сўмнинг график кўринишини жорий этиш керак", - дейилади петиция матнида.

Муаллиф Марказий Осиё ҳудудидан мисолини келтиради. Мисол учун, Қозоғистонда тенге ₸ кўринишида, Қирғизистонда сом ⊆  кўринишида ва ҳ.к.

Муаллиф фикрни амалиётга татбиқ қилиб, Марказий банк дизайнерлар ўртасида танлов ўтказишини ва миллий валютанинг график кўринишининг энг яхши вариантини танлашни таклиф қилди.

Сурат манбаи: rusbukhara.uz