Ўзбекистонда қўшимча қурилмали кўзойнак яратилди
Тошкент. 15 декабр. ЎзТАГ – Ўзбек мутахассислари томонидан қўшимча қурилмали кўзойнак ихтиро қилинди, деб хабар беради Ўзбек телеграф агентлиги (ЎзТАГ).
Бу ҳақида Ўзбекистон Интеллектуал мулк агентлиги маълумот бермоқда.
Тиббий техника соҳасида фойдаланилувчи ушбу кўзойнак, линзали гардиш, видеокамера, бандлардан таркиб топган бўлиб, бунда бандларнинг бошланғич участкаси ичи бўш тарзда, қолган участкаси резина қопламали қилиб бажарилган ҳамда Wi-Fi узатгич, аккумулятор батареяси билан таъминланган.
Гардиш устки планкасининг ички юзаси намни ютадиган қопламали қилиб бажарилган. Видеокамера тепасида эса ёритгич ўрнатилган.
Кучайтиргич ва Wi-Fi узатгич ўнг ва чап бандларнинг тегишли ички бўшлиғида ўрнатилган.
Сурат манбаи: фото из открытых источников
