Ўзбекистонда солиқларни тўлашдан биринчи марта бўйин товлаганларни жавобгарликдан озод қилишлари мумкин
Тошкент. 7 август. ЎзТАГ - Ўзбекистонда солиқларни тўлашдан илк марта бўйин товлаганларни жавобгарликдан озод қилишлари мумкин, деб хабар беради Қозоқ телеграф агентлиги (КазТАГ) мухбири.
Бу имконият Ўзбекистон парламенти Сенати (юқори палата) куни-кеча Жиноят кодексига ўзгартишлар киритганидан кейин пайдо бўлди.
“Сенаторлар ЖКга солиқ тўлашдан бўйин товлаш тарзида биринчи марта ҳуқуқбузарлик содир этган шахс, агар жиноят аниқлангандан кейин 30 кун ичида давлатга етказилган зарарни тўлиқ қоплаган бўлса, пенялар ва бошқа молиявий санкцияларни тўлаган бўлса, унга нисбатан жиноий иш қўзғатилмаслигини назарда тутувчи меъёрни тасдиқладилар”, - деб аниқлаштиради КазТАГ.
Жиноят кодекси билан бирга Солиқ кодексида ҳам бир неча солиқ қонунбузарликларини содир этганликда уларнинг бари бўйича жарима белгилаш кўзда тутилмоқда.
Тузатишлар мамлакат президенти томонидан имзоланиб, матбуотда чоп этилганидан кейин кучга киради.
