Ўзбекистонда спорт маркалари серияси чиқарилди
Дата: 17:56, 31-05-2016.
Тошкент. 31 май. ЎзТАГ – Республикада “Спорт Ўзбекистон почта маркаларида” янги маркалар серияси чиқарилди, деб хабар беради Ўзбек телеграф агентлиги (ЎзТАГ).
“Ўзбекистон почтаси” АЖ маълум қилишларича, почта маркаларнинг чиқарилиши Рио-де-Жанейрода XXXI Олимпиа ва XV Параолимпиа ўйинларининг ўтказилишига бағишланган.
Почта маркаларида штангачи ва узоқликка сакраш фрагменти тасвирланган. Бундан ташқари, ҳар бир маркада Ўзбекистон Миллий олимпиа қўмитасининг эмблемаси мавжуд.
Маркалар 8 минг нусхада чиқарилган.
Янги почта маркалари серияси “Ўзбекистон почтаси” АЖ томонидан тайёрланган бўлиб, 23 майдан мамлакат Ахборот технологиялари ва коммуникацияларни ривожлантириш вазирлиги томонидан муомалага киритилган.
