Ўзбекистонда стажи бир йилдан кам бўлганда ҳомиладорлик ва туғиш бўйича пособиянинг ягона миқдори белгиланди

Тошкент. 27 апрел. ЎзТАГ – Ўзбекистонда ишга қабул қилинганидан кейин 12 ойдан кам ишлаган аёллар учун ҳомиладорлик ва туғиш бўйича пособиянинг миқдори ўртача иш ҳақининг 75%ига тенг бўлади, деб хабар беради Ўзбек телеграф агентлиги (ЎзТАГ).

Бундан олдинлари унинг миқдори агар аёл 6 ойдан кам ишлаган бўлса ўртача иш ҳақининг 50%, 6 ойдан 12 ойгача ишлаган бўлса 75% ташкил этар эди. Эндиликда стажи бир йилдан кам бўлганда пособиянинг ягона миқдори белгиланди.

Ўзгартишлар Ўзбекистон Президентнинг 2017 йил 4 апрелдаги ПФ-5398 сонли фармони билан тақдиқланган. Қарор 5 апрелдан кучга кирди.

Олдин бўлгани каби, ишга қабул қилинганидан кейин 1 йилдан кўп ишлаган аёллар учун пособиянинг миқдори ўртача иш ҳақининг 100%ига тенг бўлади.

Сурат манбаи: http://mama66.ru/semya/posobie-po-beremennosti-i-rodam-nerabotayushhim-zhenshhinam