Ўзбекистонда тадбиркорлик ривожига тўсқинлик қилаётган давлат хизматчиларига нибатан қонунчилик талаблари кучайтирилади
Дата: 12:14, 21-04-2014.
Тошкент. 21 апрель. ЎзТАГ –Ўзбекистон Президенти Ўзбекистон бош прокуратура ва Адлия вазирлигига июнь ойи охиригача тадбиркорлик ишига тўсқинлик қилаётган давлат хизматчиларига нисбатан жазо чораларини кучайтиришга доир қонунчиликка ўзгартиш ва қўшимчалар киритиш ҳақида таклифлар ишлаб чиқишни топширди, дея хабар беради Ўзбек телеграф агентлиги (ЎзТАГ).
“Тадбиркорлик субъектлари фаолиятига ноқонуний аралашаётган, шунингдек, давлат хизматларини кўрсатишда ортиқча бюрократизм кўрсатаётган давлат ва хўжалик бошқаруви органлари лавозимли шахсларига нисбатан маъмурий жавобгарлик чораларини кучайтириш режалаштирилмоқда”, - деб таъкидлади Адлия вазирлигидаги манба.
