Ўзбекистонда талабалар ўртасида экологик тоза мевалар етиштириш бўйича конкурс ўтказилди

Тошкент. 7 июн. ЎзТАГ – Ўзбекистонда талабалар ўртасида йил давомида экологик тоза мевалар, савзавотлар ва узум етиштириш бўйича конкурс ўтказилди, деб хабар беради Ўзбек телеграф агентлиги (ЎзТАГ).

Олий таълим вазирлиги маълумотига кўра, унинг финали Тошкент давлат аграр университетида бўлиб ўтди.

 Конкурс Ўзбекистон Республикаси Қишлоқ ва сув хўжалиги вазирлиги, USAID АҚШ халқаро тараққиёт агентлигининг АВС “Қишлоқ хўжалигида қиймат занжирини ривожлантириш лойихаси” ҳамкорлигида амалга оширилди.

Танловда Тошкент давлат аграр университети, Андижон қишлоқ хўжалиги институти, Самарқанд қишлоқ хўжалиги институти профессор-ўқитувчилари ҳамда талабалари иштирок этдилар.

 Танлов натижаларига кўра Тошкент давлат аграр университетининг жамоаси 95 балл тўплаб 1-ўринни, Самарқанд қишлоқ хўжалиги институтининг жамаоси 92 балл тўплаб 2-ўринни, Андижон қишлоқ хўжалиги институтининг жамоаси 87 балл тўплаб 3-ўринни қўлга киритди.

Танлов сўнгида ғолибларга USAID ташкилоти томонидан қимматбаҳо ва эсдалик совғалари топширилди.