Ўзбекистонда тез ёрдам чақирувларининг 30% дан ортиғи асоссиз – Соғлиқни сақлаш вазирлиги

Тошкент. 19 сентябрь. ЎзТАГ – Ўзбекистонда тез ёрдам чақирувларининг 30% дан ортиғи асоссиз, деб маълум қилди Соғлиқни сақлаш вазирлиги, дея хабар беради Ўзбек телеграф агентлиги.

Соғлиқни сақлаш вазирлигининг маълумотларига кўра, аҳолининг тез тиббий ёрдамга нисбатан норозилиги ҳали ҳам мавжуд. Бунинг сабаби чақирувда кечикиш ҳоллари.

"Таҳлиллар шуни кўрсатадики, тез тиббий ёрдам хизматининг сифатини оширишга жиддий тўсиқ-асоссиз ("уй-жой") қўнғироқлар тўсқинлик қилмоқда. Бугунги кунда улар тез тиббий ёрдамга келган барча қўнғироқларнинг 30% дан кўпроқ қисмини ташкил қилади. Ва бу кимлар? Уларнинг асосий қисми сурункали касалликларга чалинган одамлардир. Улардан баъзилари тез тиббий ёрдам хизматига 500, баъзан эса йилига 1 минг марта мурожаат қилишади", - дейди маҳаллий фавқулодда ва тез тиббий ёрдам бўйича маслаҳатчи Обиджон Дилмуродов.

Тошкент шаҳар тез тиббий ёрдам станцияси бош шифокори ўринбосари Илҳом Аслоновнинг таъкидлашича, сурункали касалликларга чалинган беморларни даволаш тез ёрдам шифокорлари вазифасига кирмайди.

"Ушбу асоссиз чақириқлар туфайли, ўз вақтида муҳтож кишиларга ёрдам бериш имконияти чекланган. (...) Тиббий-профилактика текширувидан ўз вақтида ўтиши билан, шифокор тавсияларига риоя қилиш орқали инсон соғлиғини сақлаб қолиши мумкин. Бу билан ўзини ҳам, бошқаларни ҳам безовта қилмайди. Айниқса, халқ саломатлиги йўлида куну тун хизматда бўлган тезёрдам ходимларининг вақтини олиш асоссиз бўлмайди", - деб якунланади хабар.

Сурат манбаи: minzdrav.uz