Ўзбекистонда тиббий лицензияни ЯИДХП орқали олиш мумкин
Тошкент. 27 август. ЎзТАГ – Ягона интерактив давлат хизматлари порталида (ЯИДХП) юридик шахслар учун тиббий фаолиятни амалга ошириш учун лицензия олиш, қайта расмийлаштириш ёки унинг муддатини узайтириш бўйича янги хизмат жорий қилинди, дея хабар қилади Ўзбек телеграф агентлиги (ЎзТАГ).
ЯИДХП маълумотларига кўра, портал орқали олинган талабномалар Соғлиқни сақлаш вазирлиги қошидаги Нодавлат муассасалари томонидан кўрсатилаётган тиббиёт хизматларини лицензиялаш ва сифатини назорат қилиш бошқармаси томонидан қайта ишланади. Лицензия органи томонидан экспертиза якунлари бўйича тегишли хулосага эга бўлган таклиф тузилади.
Ушбу ишлар якунлангандан кейин талабгор ЯИДХПда янги хизмат сифатига баҳо бериши мумкин. Бу эса кейинчалик тиббий фаолиятни лицензиялаш билан боғлиқ тартибларни янада такомиллаштиришга ёрдам беради.
