Ўзбекистонда тиш протезининг биринчи маҳаллий модели яратилди
Тошкент. 4 апрель. ЎзТАГ – Яқинда Ўзбекистонда ўрнидан олинмайдиган тиш протезининг биринчи маҳаллий модели яратилди ва клиник синовлардан ўтмоқда, дея хабар беради Uzbekistan Today ахборот агентлиги.
“Ушбу йўналишларда тайёр ечимлар жуда кўп бўлгани ҳолда янги модель яратиш нима зарур эди” деган саволга тадқиқотчилар гуруҳи раҳбари профессор Нигман Хабилов қуйидагича жавоб берди: “Ҳақиқатдан ҳам материал ва технолоиялар жуда кўп, уларнинг деярли барчасидан маҳаллий врачлар фойдаланадилар. Лекин улар орасида бирорта ҳам мамлакатимизда ишлаб чиқарилгани йўқ. Бу камчиликни эса бартараф этиш керак”.
Янги ихтиронинг афзалликлари ҳақида олим соатлаб гапириши мумкин. Энг асосийси, маҳаллий протез даволаниш нархини бир неча маротаба камайтириши мумкин.
Олим юқорида номи тилга олинган ихтирони амалиётга жорий этиш зарурлигини таъкидлайди. Чунки улар хорижий инновацион ихтироларда ҳеч нимаси билан кам эмас.
