Ўзбекистонда туризм соҳасида бўш иш ўринлари ярмаркасини ўтказиш режалаштирилмоқда
Тошкент. 2 апрел. ЎзТАГ – “Ўзбектуризм” миллий компанияси Тошкент Давлат иқтисодиёт университети билан биргаликда ОЎМ ва касб-ҳунар коллежлари битирувчилари учун туризм соҳасида бўш иш ўринлари ярмаркасини ўтказиш режалаштирмоқда, дея хабар қилади Ўзбек телеграф агентлиги (ЎзТАГ).
“Ярмаркани ўтказишда кўзланган мақсад – ОЎМ ва касб-ҳунар коллежлари битирувчиларини туризм соҳаси корхоналарида иш билан таъминлаш ва шу орқали сайёҳлик фаолияти субъектларини малакали кадрлар билан таъминлашдан иборат”, - дейилади компания матбуот хизмати хабарида.
Ярмарка 2015 йилнинг 16 апрелида “Ўзбектуризм” миллий компаниясининг Илмий –амалий консалтинг марказида бўлиб ўтади. Ҳозирда туризм соҳаси корхоналарида мавжуд бўш иш жойлари ҳақида маълумотлар йиғилмоқда.