Ўзбекистонда учғилдиракли юк мотоциклига патент олинди

Тошкент. 5 апрель. ЎзТАГ – Ўзбекистонда 700 кггача юк ташишга мўлжалланган юк мотоциклининг саноат нусхасига патент олинди, дея хабар беради 12news.uz Интеллектуал мулк агентлиги матбуот хизматига асосланган ҳолда.
SAP 01185 рақамли саноат нусхасига патент “PANA” ўзбек-хитой ҚК ходими А. Бўтаев томонидан олинган.
“Юк мотоцикли стандарт ускуналардан фойдаланган ҳолда ишлаб чиқарилиши мумкин. Саноат нусхасининг ташқи кўриниши ўзига хос ифодалилиги билан ажралиб туради”, - деб қайд этилади матбуот хизмати хабарида.
Учғилдиракли “МУНИС МН200АМ” юк мотоциклларини ишлаб чиқариш Гулистондаги “PANA” МЧЖда йўлга қўйилган. 2013 йилда бу ерда 320 ана шундай техника ишлаб чиқариш режалаштирилган. Экспертлар фикрига кўра, фермарлар, хусусий тадбиркорлар ва қишлоқ аҳолиси орасида ушбу техникага талаб катта.