Ўзбекистонда ҳудудларнинг инвестицион қизиқарлилиги рейтинги чоп этилади

Тошкент. 11 январ. ЎзТАГ – Ўзбекистонда ҳудудларнинг инвестицион қизиқарлилиги рейтингларини доимий равишда чоп этиш режалаштирилмоқда, деб хабар беради Ўзбек телеграф агентлиги (ЎзТАГ).

Бу 2018.strategy.uz сайтида муҳокама қилиш учун эълон қилинган “Фаол тадбиркорлик, инновацион ғоялар ва технологияларни қўллаб-қувватлаш йили” давлат дастури лойиҳаси билан кўзда тутилган.

Ҳужжатда таъкидланишича, 2018 йил 1 июнга қадар ҳудудларнинг инвестицион қизиқарлилиги рейтингини тайёрлашга доир меъёрий-ҳуқуқий ҳужжат ишлаб чиқилади. Янги рейтинг Ўзбекистон ҳудудлари, шунингдек, Тошкент шаҳрида инвесторлар учун яратилган шароитларни баҳолаши кутилмоқда. 

Эслатиб ўтамизки, Ўзбекистон таркибига 12 вилоят ва Қорақалпоғистон Республикаси киради. 

Сурат манбаи: http://planetolog.ru/map-country-big.php?country=UZ&type=DK