Ўзбекистонда ҳукумат экспорт қилувчилар бизнесини енгиллаштирди
Дата: 12:02, 16-06-2014.
Тошкент. 16 июн. ЎзТАГ – Ўзбекистонда ҳукуматнинг “Миллий экспортчиларнинг суғурта ҳимоясини таъминлаш чора тадбирлари тўғрисида”ги қарор билан экспорт қилувчиларга енгилликлар берилди, дея хабар беради Ўзбек телеграф агентлиги (ЎзТАГ).
Бу тўғрисидаги маълумот Norma.uz сайтида эълон қилинди.
Ўзгартишларга мувофиқ, суғурта ташкилотлари шартномага биноан суғурта қомламасини амалга оширишни зиммаларига олишлари зарур. Илгари суғуртачилар экспорт шартномаларини суғурталаш ҳуқуқига эга эдилар.
Эндиликда кичик бизнес ва хусусий тадбиркорлик субъектларидан экспорт шартномаси бўйича суғурта қопламасини расмийлаштиришда ушбу шартномага таалуқли таваккалчилик даражасидан келиб чиққан ҳолда хорижий харидорнинг шартнома мажбуриятларини бажариш бўйича рўпара кафолати ёки кафолатини тақдим қилиш талаб қилинмайди. Ўз навбатида, суғурта ташкилоти томонидан суғурта таваккалчиликларини қоплаш хорижий валютада франшиза ўрнатмасдан амалга оширилади.
Илгари суғурта ташкилоти томонидан таваккалчиликларни ҳар қандай эркин алмаштириладиган валютада қоплаш кўзда тутилган эди.
Бундан ташқари, кичик бизнес ва хусусий тадбиркорлик субъектлари учун суғурта ташкилоти томонидан таваккалчиликларни қоплаш миллий валютада ҳам амалга оширилиши мумкин.
Шунингдек, ўзгартиришлар билан резидентларнинг суғурта ташкилоти томонидан хорижий банкларда жорий ҳисоб рақами очишга суғурта тўловларини хорижий валютада тўлаш ҳуқуқи ҳам бекор қилинган.
Суғурта қопламаси тўлаш ҳақидаги қарор суғурталовчининг суғурта ҳолатининг содир бўлганлигини тасдиқловчи факт ва бунинг сабабини тушунтирилган, шунингдек, суғурталовчи томонидан суғутра ташкилотига тақдим этилган кўрилган зарарнинг ҳажмига доир хужжатлар асосида қабул қилиниши белгилаб қўйилган. Ушбу хужжатларга экспорт шартномасини расмийлаштиришга доир қатор хужжатлар киритилган.
Кичик бизнес ва хусусий тадбиркорлик субъектларига тақдим этилган суғурта қомламасини тўлаб бериш воқеа содир бўлган санадан 60 кун кейин амалга оширилади. Бунда хорижий харидор ва (ёки) хорижий харидор банки банкротликка учраганлиги исбот қилингандан кейин барча белгиланган хужжатлар тақдим қилинганидан сўнг 30 кун давомида тўлаб бериши ҳолати истисно қилинган.
Юқорида номи келтирилган хужжатда бир қанча бошқа ўзгартишлар ҳам мавжуд.
