Ўзбекистонда ҳукуматнинг вилоятлардаги ваколатли вакиллари пайдо бўлади

Тошкент. 9 январ. ЎзТАГ – Ўзбекистонда ҳукуматнинг вилоятлардаги ваколатли вакиллари пайдо бўлади Ўзбекистонда ҳукуматнинг вилоятлардаги ваколатли вакиллари пайдо бўлади, деб хабар беради Ўзбек телеграф агентлиги (ЎзТАГ).

Улар Вазирлар Маҳкамаси таркибида Ҳудудларни комплекс ижтимоий-иқтисодий ривожлантириш масалалари ахборот-таҳлил департаменти ташкил қилиниши доирасида жорий этилади.

Бунга доир қарор мамлакат ҳкукумати томонидан яқинда тасдиқланди.

“Янги департамент ҳудудларни комплекс ижтимоий-иқтисодий ривожлантириш дастурлари бажарилиши мониторингини олиб бориш ва таҳлил қилиш, ҳудудларни ижтимоий-иқтисодий ривожлантириш масалалари бўйича ахборот-таҳлилий материаллар тайёрлаш билан шуғулланади”, - дейилади қарор матнида.

Бундан ташқари, янги таркибнинг вазифаларига ҳудудларни ижтимоий-иқтисодий ривожлантириш, ҳар бир ҳудуднинг минерал хом-ашё ресурсларидан, меҳнат ва ишлаб чиқариш салоҳиятидан самарали фойдаланиш бўйича таклифлар ишлаб чиқиш кабилар киради.

Айни пайтда департаментнинг бош мутахассислари Вазирлар Маҳкамасининг ўзлари ишлаётган ҳудуддаги ваколатли вакили ҳисобланади.