Ўзбекистонда умуртқа касалликларини даволаш учун янги қурилма ихтиро қилинди

Тошкент. 22 феврал. ЎзТАГ – Ўзбекистон Республикаси Соғлиқни сақлаш вазирлиги Республика нейрохирургия илмий маркази мутахассиси томонидан умуртқа поғоналараро дискига кириш қурилмаси яратилди, деб хабар беради Ўзбек телеграф агентлиги (ЎзТАГ).

Интеллектуал мулк агентлиги матбуот хизмати хабарига кўра, қурилма найчасимон корпусга эга бўлиб, унинг учи кесувчи қисмга эга. Шунингдек, қурилма таркибига дастак ва йўналтиргич билан таъминланган ҳамда ички диаметри бутун узунлиги бўйлаб бир хил бўлган ўқ бўшлиғи ҳам киради.

Хабар қилинишича, ушбу фойдали модел муаллифига патент берилди.

Сурат манбаи: https://rus.ozodlik.org/a/28997999.html