Ўзбекистонда ушбу ҳафта охири ва келаси ҳафта бошида об-ҳаво кескин ўзгариши кутилмоқда
Дата: 16:27, 09-01-2015.
Тошкент. 9 январ. ЎзТАГ – Ушбу ҳафта охири ва келаси ҳафта бошида Ўзбекистонда об-ҳаво кескин ўзгариши кутилмоқда, дея хабар беради Ўзбек телеграф агентлиги (ЎзТАГ) Гидрометеорология хизмати маркази (Ўзгидромет) сайтида жойлаштирилган маълумотга асосланган ҳолда.
“9-12 январ кунлари Ўзбекистонда об-ҳаво ҳарорати кескин ўзгариши кутилмоқда. Шу кунлари мамлакатда кучли ёғингарчилик (ёмғир, қор) бўлиши мумкин. Шамолнинг тезлиги эса 15-20 м/секундгача чиқади. Ҳаво ҳарорати кечаси 5-7° совуққача тушади, кундузлари 0° атрофида бўлади. Тоғларда вақти-вақти билан кучли қор ёғади, қор кўчиши ҳавфи бор”, - дейилади маълумотда.
