Ўзбекистонда ўқувчиларнинг хорижга чиқиши осонлаштирилди

Тошкент. 12 июл. ЎзТАГ – Ўзбекистонда ўқувчиларнинг хорижга чиқиши учун халқ таълими шаҳар ва туман бошқармаларидан рухсатнома олиш тартиби бекор қилинди, деб хабар беради Ўзбек телеграф агентлиги (ЎзТАГ) пойтахт ИИББ матбуот хизматига таянган ҳолда.

“Вояга етмаганларнинг чет элга чиқиши учун тўлдириладиган ариза-анкеталарга Халқ таълими шаҳар ва туман бошқармаларидан рухсатнома олиш тартиби бекор қилинди. Олдин ушбу турдаги мумтаълим мактаблари ва бошқа ўқув юртлари вояга етмаганларнинг чет элга чиқишида уларни рухсатнома олиш учун Халқ таълими шаҳар ва туман бошқармаларига юборар эди. Ушбу тартиб кўп вақт олар, одамлар учун ортиқча оворагарчиликлар келтириб чиқарар эди”, - дейилади хабарда.

Эндиликда вояга етмаганларнинг чет элга чиқиши учун ариза-анкета улар таҳсил олаётган таълим муассасаси раҳбари томонидан тасдиқланади.

Сурат манбаи: http://japanplacementagent.com/en/article-2/j-reits-going-abroad/