ЎзТАГ
Ўзбек телеграф агентлиги

Ўзбекистонда уяли алоқа компанияларидан абонентлик рақамидан фойдаланганлик учун олинадиган йиғим 33% оширилди

Дата: 15:32, 04-01-2017.

Тошкент. 4 январ. ЎзТАГ – 2017 йилнинг 1 январидан бошлаб Ўзбекистонда уяли алоқа компанияларидан абонентлик рақамидан фойдаланганлик учун олинадиган йиғимнинг янги миқдори белгиланди, деб хабар беради Ўзбек телеграф агентлиги (ЎзТАГ).  

Унинг миқдори 2016 йилдаги 1500 сўмга қараганда 33% кўпайди ва 2000 сўмни ташкил қилди.

Айни пайтда тўловнинг тақдимланиш тартиби ўзгарди. Эндиликда маблағнинг 85% давлат бюджетига ва 15% Ўзбекистон Республикаси ахборот технологиялари ва коммуникацияларини ривожлантириш Вазирлиги қошидаги ахборот-коммуникация технологияларни ривожлантириш Жамғармасига йўналтирилади. Олинган маблағлар инвестицион лойиҳалар ва ахборотлаштириш дастурлари ҳамда телекоммуникацион тармоқларни ривожлантиришга йўналтирилиши зарур.Олдин жамғармага операторлардан олинган пулнинг 20% ажратилар эди.

Бугунги кунда Ўзбекистон уяли алоқа бозорида бешта оператор ишлайди. Булар Unitel МЧЖ (Beeline бренди), Coscom ХК МЧЖ (Ucell бренд), “Universal Mobile Systems” МЧЖ (UMS), Uzmobile миллий оператори ва Rubicon Wireless Communication ҚК (Perfectum Mobile бренди). 

Янгилик билан ўртоқлашиш:

Мавзу бўйича ҳаволалар

Ўзбекистонликлар сув учун 411 млрд сўмдан ортиқ қарз бўлди ЮНФПАнинг Ўзбекистондаги янги раҳбари Ю Ю бўлди Франция муносиб равишда икки карра жаҳон чемпиони бўлди