Ўзбекистонда валюта алмаштириш бир ойга тўхтатилди
Тошкент. 22 май. ЎзТАГ – Ўзбекистон Марказий банки мамлакатда хорижий валюталарни алмаштириш операцияларини вақтинчалик тўхтатди, деб хабар беради РБК.
Жисмоний ва юридик шахслар (компаниялар) учун операциялар камида бир ой муддатга – июль бошигача тўхтатилган. Айни пайтда Марказий банк сайтида валюта алмаштиришнинг тўхтатилгани ҳақида маълумотлар йўқ.
Май ойида ўзбек сўмининг курси бир долларга 5 минг сўмга қадар тушиб кетди. Холбуки мартда бир АҚШ долларининг қиймати 3700 сўмга тенг эди. Май ойидаги курс пасайиши мамлакат янги тарихидаги рекорд натижа бўлди.
РБКнинг эслатишича, 2013 йилнинг 1 февралидан бошлаб Ўзбекистонда жисмоний шахсларга хорижий валюта сотиш таъқиқланган. Хорижий валютани фақат банклар орқали пул ўтказмалари шаклида, шунингдек, фуқаролар пластик карточкаларига нақдсиз шаклда олиш мумкин. Фуқаролар хорижий валютани фақат ҳар чоракда бир марта хорижга чиқиш олдидан расмий курс бўйича $2 мингдан ошмаган миқдорда олишлари мумкин.
